ഭിക്ഷാടനം

ആഴക്കരിയുടെ  അന്നപാത്രമിത്

ആരുടെ മുന്നിലും നീട്ടീടുന്നു

അരവയര്‍ തുടികൊട്ടി, അമ്മാനശ്രുതിമീട്ടി

ആയിരം വാതില്‍ക്കല്‍ മുട്ടിയാലും 

അരുണ്ടടിയനൊരഭയമേകാന്‍ 

അരുണ്ടടിയനൊരന്തിയേകാന്‍.

നടുനിവരാതെ  നാട്ടംതിരിഞ്ഞിട്ടും 

അത്താണിയില്ലാതമഴ്ന്നിരിന്നിട്ടും 

അരിമ കിടാങ്ങള്‍ക്ക് പിന്തുണയായ്

മുഴുനീളെ ഭാരം വഹിച്ചതല്ലേ; ഇന്ന് 

പുകയുന്ന കൊള്ളിയായ് പുറംതള്ളുമ്പോഴും

എന്‍ കരള്‍ പുകയുന്നതറിയുന്നതാര്.

അവഹേളനത്തിന്‍  കാരിരുംബാണി 

ചുട്ടു പഴുപ്പിച്ചിന്നു  കരളില്‍ തറച്ചവരേ

കൈവിട്ടു പൊയൊരാ കാലമോര്‍ത്തിന്ന്‍

കണ്ണീര്‍ വാരി പുണരുമ്പോഴും

അന്യ വിഴുപ്പിന്നും പേറുമീഭാണ്ടാത്തെ

അറിയില്ലെന്നരിമകള്‍  പറഞ്ഞീടുമോ.

                                                                                           ആന്‍റണി  പുത്തന്‍വീട്ടില്‍