കള്ള കുറുക്കന്‍

M:  എടി മിടുക്കി മിടു മിടുക്കി 

       കുടുകുട ചിരിക്കണ കടുംമിടുക്കി;

       പടപട പിടിക്കാതെ വരു മിടുക്കി 

       ഇടംവലം കരതലം പിടിമിടുക്കി.

F:  ഏയ്‌, കുറുക്കാ കള്ളകുറുക്കാ

      കലപില കൂടാതെ വിടുകുറുക്കാ;

      ഉടനടി കൈ പിടിക്കാന്‍ തിടുക്കമായോ

      ഇപ്പൊ; മടികൂടാതുടനെ നീ പോ മിടുക്ക.

M:  കടുകിട തണലില്ല നടവഴിയില്‍ 

       ഞൊടിയിട വാടും മൃദുലമേനി

       മഞ്ഞുപോലുരുകി തീരുംമുബേ

       മറക്കുടയായ്  ഞാന്‍ കൂടെ വരാം.

F:  ഇടതടവില്ലാ  നടപടിയാല്‍ 

      പണമിടയില്ലാ പുടവചിന്ത

      പടികടന്നിട പാട് നടത്തീടുകില്‍

      പെടുന്നനെ തിരുനടെ കൈപിടിക്കം.

                                                                                     ആന്‍റണി  പുത്തന്‍വീട്ടില്‍